اليكِ "حواء" 21 فكرة ستحدث لو اختفى "الرجال" من الكوكب

اليكِ "حواء" 21 فكرة ستحدث لو اختفى "الرجال" من الكوكب
حجم الخط

21 فكرة ستحدث لو اختفى الرجال من الكوكب - وكالة خبر

فكرة عالم بلا رجال هيكون شكله إيه، افتراض مثير للاهتمام فعلاً إيه هيحصل لو العالم بقى كله نساء وبس! وبشكل خاص العالم العربي، وخلينا فاكرين إنها مجرد افتراضات وآراء شخصية وتهريج فمحدش ياخدها جد.

1- رغم الفكرة الراسخة عند بعض الرجالة إن الستات مبتعرفش تسوق، لكن أعتقد إن أغلب حوادث الطرق اللي بيتسببوا فيها هم الرجالة فالحوادث هتقل جداً.

2- البنات هيلبسوا اللي عايزينه من غير تفكير في معاكسات ولا تحرش، فساتين كتير أوي بقى.

3- كل الوظائف اللي كانت حِكر على الرجال في الوطن العربي هتتعين فيها النساء لأول مرة.

4- بعض البنات هتشغل بالهم اهتمامات وهوايات تانية غير مهمة اصطياد عريس.

5- البنات اللي لسه متجوزوش مش هيسمعوا جملة: “عقبال شرباتك يا حبيبتي”، في الأفراح، لأن لا هيكون في أفراح ولا رجالة من الأساس.

6- الخناقات في الشوارع هتاخد شكل أكثر لطف وأقل مد إيد، أو يمكن الستات هيتطور العنف عندهم وهنشوف مفاجآت غير متوقعة.

7- البنات هيتأخروا براحتهم وهيقفوا ع النواصي ومفيش حد هيقولها: “ما أنتِ لو محترمة متعمليش كده”.

8- كل الأماكن هيكون فيها لمسة أنثوية واضحة، يعني ممكن نلاقي محطة بنزين غالب عليها اللون الوردي وعاملات المحطة بيبيعوا دباديب.

9- هتبان حقيقة الجملة المشهورة للبنات إنها بتهتم بنفسها لنفسها، يا ترى فعلاً الكوافيرات هتفضل شغالة ولاّ هتقفل.

10- في منتجات هتختفي تماماً زي مكن الحلاقة.

11-  أعتقد صوت الكلاكسات في الشوارع هيهدى أو يمكن يغيروها ويحطوا بدالها أغاني، أصل البنات كيوت بقى وكده.

12- البنات هيبطّلوا يكتبوا بوستات على فيس بوك فيها تلقيح كلام على شريكهم في العلاقة ويكتبوا في آخر البوست: “موجه”، وهيرحمونا من صور القلوب اللي بتنزف دم والجو الغريب ده.

13- قعدات النميمة المفضلة عند البنات هتاخد شكل تاني غير التقطيع في فروة الرجالة.

14- البنات مُحبّات النكد مش هيلاقوا حد يمارسوا عليه هوايتهم المفضلة.

15- هوس كرة القدم هيخف ويمكن يختفي واحتمال في رياضات تانية تحل مكانها ويبقى لها جمهور وألتراس بنات.

16- هتختفي مصطلحات للأبد زي: “مجتمع ذكوري”.

17- بما إن تصميمات المباني هتحتكرها النساء، مُحتمل نلاقي شارع كل مبانيه على شكل قلوب مثلاً، عالم كيوت بقولكم.

18- وداعاً للغيرة من ماتشات الكورة وجهاز البلاي ستيشن.

19- الجمعيات اللي هدفها الدفاع عن حقوق المرأة هتقفل بالضبة والمفتاح.

20- النيش وطقم الصيني مش هيكونوا محور حياتنا بأي شكل من الأشكال من هنا ورايح.

21- الكوكب هيكون أروق وأخف زحمة وبالتدريج هينقرضوا البني آدمين، لأن هيكون فيه وفيات ومفيش مواليد.