وجه مغني المهرجانات عمر كمال، رسالة إلى جمهوره لحثه على العمل من أجل الوصول إلى النجاح.

نشر كمال عبر حسابه على Instagram صورة مقسمة لقسمين الأول صورته قبل الشهرة والثانية صورته مع سيارته الفاخرة.

وكتب تعقيبا: "مفيش حاجة بتيجى بالساهل .. هتقعد تقول أحط الشهادة فين وبص مين معاه وبص مين جاب أيه هتقف مكانك ومش هتتحرك.. الدنيا والأيام بتجرى ولو ملكش قلب تسعى وتجازف وتجرب الدنيا هتفرمك وهتبقى زى الكتير اللى تايهين فيها.. اتعلمت وأخدت شهادة ؟ أنا بردو اتعلمت وأخدت شهادة.. طلعت مش لاقى شغل .. أنا بردو طلعت مش لاقى شغل .. أهلك صرفوا دم قلبهم عليك .. أنا بردو زيك".

وأضاف: "بس أنا مقعدتش اشتكى حالى وأقول حال البلد وأقول كانى ومانى .. نزلت اشتغل بأيدى وقولت حب ما تعمل حتى تعمل ما تحب اشتغلت كل حاجة .. جريت في كل السكك اللى ممكن توصلنى للنجاح .. بتعامل وبوصل لكل الناس للى ممكن اشتغل معاهم ويضيفوا ليا .. بشغل دماغى وبتعلم وبحاول أفهم الدنيا والسوق رايحين فين وأعمل اللى يعجب الناس .. قول الحمد لله ولو لقيت غيرك في نعمة قول ربنا يزيده ويديني".
‎
يشار إلى أن عمر كمال سافر برفقة زميلة حسن شاكوش إلى تونس لإحياء حفل غنائي هناك.