تعرضت سيدة اسمها هنادي عيسى، لموجة من الانتقادات اللاذعة بسبب تغريدة كانت كفيلة بأن يتم وصفها بـ "بلا أخلاق مع أسلوب الربع"!
فقد قررت إهانة الدراما اللبنانية الصامدة بوجه الصعوبات الناتجة عن وضع اقتصادي مخجل في البلد! لا بل أيضا قررت شن هجوم غير مبرر على أبطال مسلسل "هند خانم" الذين يمتلكون تاريخا فنيا مميزا.
وقد اعتبر البعض أن الممثل أسعد رشدان على حق، فعدم حصولها على "الحلوينة/الرشوة" دفع بها إلى كتابة "هلق عن جد هول ممثلين في مسلسل هند خانم".
إلا أن الممثل أسعد رشدان كان لها بالمرصاد وكتب "هلّق عن جد انتي صحافية؟ بتعرفي، خلّيكي بفوائد الرمّان، بعتقد بيفيدك أكتر، خاصة عالوجّ. استحي وتضبضبي لانك مش قد ضفر ممثّل من الممثّلين بهند خانم. اذا بدك تكتبي عن اللي بتقبضي منن انتي حرة، بس انك تبيّضي وج عا ضهر غير مسلسلات لتكبر الحلويني... فشرتي. وحدة بلا ذوق وبلا أخلاق. انتي خريجة جامعة انتي؟ عالقليلة كنتي تعلّمتي اللياقة والتهذيب... اسمعيني منيح، إذا بتجيبي سيرة ممثّل من ممثلين هند خانم عا لسانك مرة تانية، خدي منّي انا شخصيّا ما يسرّ خاطرك. كل ممثّل بهند خانم، ما بتوصلي لكاحلو، لا بالعلم ولا بالثقافة ولا بالفن ولا بالأخلاق ولا باللياقة ولا باسلوب التخاطب والنقد الراقي. لو عندك واحد بالألف من المعرفة بهالمجال، كنتي بتكتبي مقالة نقدية علمية فنية الها طعمة... يا عيب الشوم عا أسلوب الربع، تفه...".
