أعلنت الإعلامية رضوى الشربيني خلال حلقة برنامج "هي وبس" الذي يعرض عبر قناة CBC سفرة عن توقف برنامجها لفترة كي تتمكن من التواجد مع بناتها.
وقالت الشربيني :" أنا عارفة إن أنا أول مرة أعمل الحركة دي قعدنا أربعة مواسم ماعملتهاش، أنا بستأذنكم إن أنا أطلع إجازة وإن شاء الله مش هتبقى إجازة طويلة".
وتابعت:" هحاول على قد ما أقدر، أنا عارفة أنكم أتعودتم إن كل المواسم بتكون بالشهور الكتير دون فاصل في النصف".
واستكملت:"لكن في الحقيقة أنا بناتي زعلانين مني جدًا وهما قاعدين وراء الكاميرا دلوقتي، فعايزة أكون معاهم شوية".
وأضافت رضوى:" كمان الموسم دا أصعب موسم في الخمسة والحلقات تقيلة وكل حاجة تقيلة وأنا كنت عايزة آخد الإجازة من بدري وكنا بدأنا الموسم من قريب، فمهنيًا، ما ينفعش وكنا متفقين مع ناس، ولقيت التوقيت المناسب رأس السنة، أنتم بتحتفلوا وأنا كما أحتفل مع بناتي حبايبي وأمي واللي حواليا، وآخد إجازة".