عبر الفنان المصري محمد مهران عن سعادته بعد عرض أولى حلقات مسلسل "لؤلؤ" الذي يخوض من خلاله تجربة التأليف، حيث كتب السيناريو والحوار للقصة التي كتبتها مي عمر بطلة المسلسل.

نشر محمد مهران مجموعة من الصور عبر Instagram وتحدث عن تجربته الأولى كمؤلف قائلا: "مبروك لكل صناع مسلسل لؤلؤ. مبروك يا مي، إن شاء الله المسلسل يعجب الناس و يحبوا لؤلؤ وأنت تعبتي كتير في المسلسل و أكيد ربنا هيجازيكي علي قد تعبك".

أوضح مهران كواليس مشاركته في المسلسل: "أما بالنسبه لشعوري بفرحتي وأنا بقرا اسمي و مكتوب جمبه ( سيناريو و حوار ) إحساس مش عارف أوصفه، بس أقدر أوصف أول حاجة جات في بالي وأنا بتفرج علي أول مشهد من مسلسل لؤلؤ".

تابع: "افتكرت مكالمه جاتلي يوم ٢٦ / ٧ /٢٠٢٠ من الأستاذ محمد سامي قالي فيها أيه رأيك تكتب سيناريو وحوار مسلسل لؤلؤ ، أكتر حاجة استغربتها أني عمري ما قولتله أني بحب الكتابه أو حتي هو قرالي أي حاجة .. و بصراحه في الأول خفت من المسئوليه الكبيره دي بس قررت أخوض التجربه".

آضاف محمد مهران : " اكتشفت أن أهم حاجة طلعت بيها من التجربه دي أني اتعلمت كتير من الشخص اللي ليه فضل عليا بعد ربنا سبحانه و تعالي أني أعرف اكتب مشهد من بدايته لنهايته من اول ما قالي المشهد يتكتب بالورقه و القلم لحد اخر كلمه تتكتب في المسلسل، الشخص ده هو الاستاذ محمد سامي اللي لازم يكون أول شخص أشكره ، مش لكونه اداني فرصه اكتب السيناريو و الحوار للمسلسل و بس ، ده لأنه علمني يعني أيه اكتب سيناريو و حوار و ده شئ هفضل فاكره فاي مشهد لأي عمل هكتبه بعد كده شكراً و شكراً و شكراً لربنا أنه قدر أني اتعلم كتابه الدراما علي ايدك".

يذكر أن مسلسل "لؤلؤ" قصة مي عمر، سيناريو وحوار محمد مهران، إخراج محمد عبد السلام، إشراف على الكتابة والإخراج محمد سامي، ويشارك في بطولته مي عمر، أحمد زاهر، نرمين الفقي، نجلاء بدر، إدوارد، هيدي كرم، عماد زيادة، جوري بكر وملك أحمد زاهر وهو من إنتاج سينرجي.