دشن رواد موقع التواصل الاجتماعى "فيس بوك" هاشتاج "أكلة غريبة عجبتنى" على إحدى مجموعات السفر على فيسبوك، يتبادلون خلاله صور وحكايات أغرب الأكلات التى تناولوها عند سفرهم للخارج، واستطاعت أن تنال إعجابهم على الرغم من غرابتها.
تنوعت الاكلات التى شارك بها رواد السوشيال ميديا من مختلف دول العالم، بين غرابة بعض المكونات المستخدمة فى الأكلة على المصريين مثل لحم التمساح وأرجل السلاحف، وبين الأكلات الجيدة التى يمكنك تجربتها.
وعلى الرغم من غرابة بعض الاكلات، إلا أن الكثير من رواد السوشيال ميديا المشاركين بالهاشتاج، قد عبروا عن سعادتهم بتجربتها، ومنهم ماريان إيميل، والتى كتبت عبر هاشتاج "اكلة غريبة عجبتنى" :"دى مش شيش طاووق للأسف، ده لحم تمساح، كان طعمه جميل وميفرقش عن طعم الكباب، ما هو إحنا لازم نجرب تراث أكل الشارع التايلاندى ومش لازم نتخيل التمساح".
وأضافت إيناس أبو النصر أكلة أخرى، وكتبت عبر الهاشتاج :"خفت أقولكم أنى جربت رجول سلاحف بالخضروات من غير ما أعرف، أول ما شفت الرجول بطلت اكل، بس عجبتنى الصراحة".
وكتبت ماجدة عن أغرب أكلة نالت إعجابها، قائلة :"تجلانتينى، موجودة عند أهل سيوة بس، عبارة عن تمر وزيت زيتون".
ومن المطبخ الكورى، وصف أحد رواد السوشيال ميديا بعض الأكلات قائلا :"الأكلة اللى على الشمال أسمها dolsot bibimbap وهى مشهورة جدا فى كوريا الجنوبية، وتعتبر زى الكشرى عندنا، بس عندهم بتبقى عبارة عن أرز وعليه تشكيلة خضروات ولحمة مفرومة وبيضه مقلية عيون، والأكلة اللى على اليمين برده من المطبخ الكورى وأسمها jjamppong، ودى من أكتر الحاجات اللى بحبها فى المطبخ الكورى، ودى عبارة عن سى فود بس فيها نودلز وحاره جدا جدا بس لذيذة جدا".
وعن الأكلات الفلبينية شاركت سوزان محمد قائلة :"بما أنى فى السعودية وتلات ارباع اصحابى فلبينيين فمن عاشر القوم بقى جرب أكلهم، اللى على يمينكم اسمها أنسيمادا وده صنف حلويات، عبارة عن نوع مخبوزات كدة وعليه أكسترا تشيرز بس مش مملحة مع سكر بودرة أو معرفش دة أيه بس بتبهدل الأيد جدا".
وتابعت :"اللى على الشمال أسمها بانسيت وهى ولا مكرونة ولا نودلز ولا زيه فى الطعم بيعملوها مع الخضروات ودجاج قطع أو لحم".
