طالب الفنان عباس أبو الحسن، ضحايا الطبيب المتحرش، بتقديم بلاغات حتى لو مر علي الواقعة أكثر من 20 عامًا.
وكتب "أبو الحسن"، عبر حسابه الشخصي على موقع التواصل الإجتماعي "فيسبوك" :"هام جدا جدا، نحن لا نطمئن ولا نهدأ حتى نكون استنفدنا كل ما بوسعنا ولابد دائما من افتراض وتوقع الأسوأ، بجدد طلبي الي كل واحد حصل له موقف تحرش مع المجرم المتهم المعترف بالتقدم بشهادته مش مهم امتي.. لو من 20 سنة.. متعتمدوش بس على شهاداتنا وأدلتنا المقدمة".
وأضاف: إظهار حجم وعدد وسنين اعتداءاته داخل وخارج عياداته هو السبيل المؤكد لتغليظ عقوبته من قبل القضاء الراجل ده تعبان ومجرم معتاد أصيل وعنده ثروة جبارة وربما متورط معاه شخصيات أو كيانات هتدافع عنه بكل الطرق".
وإستكمل : يقدر يفبرك ورق.. يشترى ذمم.. يضرب شهادات طبية.. يعمل أي حاجة لأنه في دفاع مستميت عن حياته!.
وأضاف: البوست التالي هوضح أسهل طريقة لضم شهادة أي منكم لملف القضية الأصلي من غير متخرج من بيتكم ولا محتاج حتي محامٍ ومش هتاخد مجهود 5 دقايق، مافيش اسماء خرجت من داخل النيابة وقانون سرية ضحايا التحرش مفعل تماما، والدليل علي كدة ان الشاهد الاساسي اللي قدم الدليل المادي والشهادات الدامغة محدش يعرف اسمه ولا هيعرف اسمه .
وإختتم: انا وتميم اختارنا نعلم ونفضح علي الملأ لاننا مؤثرين بحكم كوننا شخصيات عامة لتوليد الضغط الكافي والمستمر فده كان لصالح القضية، انا مقدم فوق ال ١٠٠ شهادة مًوثقة طلبت ان النيابة متطلبهمش للسؤال واستخدام الشهادات دي فقط لبيان حجم الدمار اللي الحيوان دة عمله علي مدي ٣٥ سنة، لو مش عايز تسأل امام القضاء دة حقك القانوني وتقدر تنص علي دة ".
