قرر الممثل محمود الليثي التعليق وتحليل إعلان عطر عمرو دياب الذي تم عرضه منذ أيام.

وعبر حسابه الرسمي بموقع وتطبيق Instagram نشر الليثي فيديو طريف له وعلق قائلاً:" بمناسبة إعلان عمرو دياب الجديد بتاع البرفيوم إعلان جميل عجبني، الف مبروك يا عمرو ويجعلها فاتحة خير عليك وربنا يكرمك، أنت تعبت كتير وآن الآوان نفتح مشاريع وننبسط"

وتابع الليثي:"بالنسبة للإعلان، أحب أشكر الفنان عمرو دياب والمخرج طارق العريان، وأحب أشكر مكتب الكاستنج الي جاب الموديلز، أكيد ده مش مكتب عادي، ده مكتب في متحف الشمع، في المريخ، اختيار جميل وانا مبسوط باختيار الموديلز، بس أنا عايز اسأل دلوقتي أنا لو اشتريت المنتج هيحصل معايا اللي حصل ولا إيه؟ يعني أنا حاسس الإعلان مفيهوش واقعية، يعني هل ده واقعي ولا أنتم بتلعبوا على أحلام الشباب؟".

وانتهى الليثي قائلاً:"ولا هما أصلا الموديلز اللي أنا بحبهم دول، ما أصلا مشموش؟ يعني ممكن يكون مشموش أصلا بس هو عمرو دياب، يعني ده عمرو دياب هما جايين لعمرو مش جايين للبرفيوم، قياريت توضحولنا عشان مندفعش مبلغ وقدره على فاضي".