اعلن النجم المصري أحمد حلمى، أنه لم يعتذر عن بطولة فيلم "تراب الماس"، المأخوذ عن رواية الكاتب أحمد مراد، وقال فى تدوينة له على صفحته الرسمية عبر موقع التواصل الاجتماعى "فيس بوك"، "أنا معتذرتش عن فيلم تراب الماس".
وأردف حلمى قائلاً: "الحقيقة أنا كتبت البوست ده لأنى لقيت ناس كتير جدا بيسألونى على الصفحة هنا وفى أماكن تانية أن هو أنا ليه اعتذرت عن "تراب الماس".
وقال: "أولا وقبل أى حاجة أحب أقولكم شكرا جزيلا على اهتمامكم بجد.. بس أنا فعلا معتذرتش.. والحقيقة أنا سمعت زيكوا كده بالظبط إنى اعتذرت.. إلا إذا بقى كان فى واحد شبهى بالظبط وراح اعتذر بدالى وأنا معرفش، وعموما لو عرفت حاجة جديدة سأوافيكم بالأخبار.. شكرا والسلام عليكم.. وبشكركم مرة تانية وتالتة ومليون".
