وصفت الفنانة إنجي المقدم تجربة استضافتها في برنامج "بودكاست بالبيجامة"، الذي يقدمه الإعلامي شريف نور الدين، ويتميز بإجراء الحوار مع الضيوف في جو مريح عفوي والبيجامة.

وفي مقابلة مع برنامج The Insider بالعربي، قالت إنجي المقدم: "حاسة إنها تجربة لايقة جدا على شريف، لإن نوع اللقاءات معاه بتبقى حقيقي عفوية، وأنا دايما أحس وأقول له لما أعمل معاه إنترفيو كإني قاعدة في الليفنج روم، بتكلم معاه براحتي."

وعن فكرة البرنامج، قال شريف نور الدين: "البيجامة جت من فكرة إني عايز أبقى مستريح وضيوفي مستريحين. كذا ضيف سواء صحابي أو ناس معرفهمش كويس، أول ما يخلصوا الحلقة يقولوا الجملة دي، نسيت إني في إنترفيو."