التقى الفنان أحمد سعد مع الداعية الإسلامي مصطفى حسني للجمعة التالية على التوالي، وقرر الرد على الانتقادات التي تلقاها بعد نشره صورة سابقة معه.

ونشر أحمد سعد صورته مع مصطفى حسني عبر حسابه على Instagram وكتب: "الجمعة اللي فاتت قابلت الشيخ مصطفى حسني بعد صلاة الجمعة واتصورنا مع بعض ونزلت الصورة، حكم الناس وتعليقاتهم كان هجومي جدا وكأن الجنه والنار اجتمعوا مع بعض في صورة واحده!".

وتابع: "قد إيه فرحني الشيخ مصطفى حسني لما قابلته الجمعة دي كمان وسألته أوعى تكون التعليقات ضايقتك ولو حابب أشيلها، قالي ازاي بتقول كده! انت صحبي وحبيبي ويلا ناخد صورة كمان!".

وأكمل حديثه: "بيفرق أوي أن يكون في إيدك تكتب تعليق يجرح ويضايق حد وأنك يكون في إيدك كلمه حلوة تفرح بيها حد حتى لو مختلف عنك، شكراً يا شيخ مصطفى حسني على انفتاحك وتقبلك للآخرين زي ماهم وده دليل كبير أوي أنك حقيقي وأن المواعظ والمحبه اللي بتتكلم عنهم في خطبك حقيقي مش كلام بس، وياريت كلنا نتعلم نتقبل الآخرين أو على الأقل مانجرحش فيهم لمجرد اختلافنا عنهم وان علاقتنا بربنا شيء خاص جدا".