وجهت الإعلامية لميس الحديدي، عبر برنامج "كلمة أخيرة" على قناة ON، رسالة للإعلامي وائل الإبراشي، والإعلاميتين إيمان الحصري، وأسماء مصطفى، تمنت لهم فيها الشفاء وتخطي الظروف الصحية التي يمرون بها.

وقالت لميس الحديدي: "أنا مدركة جدا إن وائل متردد في العودة للعمل، ولكن يا وائل أتمنى إنك تاخد حبوب الشجاعة والقوة، وتبتدي تخرج وتنزل وترجع مرة أخرى للعمل، لأن أحيانا في العمل شفاء."

ولإيمان الحصري قالت: "أتمنى لك الشفاء وإنك تخلصي الكذا عملية اللي فاضلين. أنا عارفة إن اللي مريتي بيه فعلا صعب جدا، لكن عارفة برضه إنك قادرة تعديه عشانك إنت أولا، وعشان بنتك والناس اللي بتحبك وبتدعيلك."

وأضافت: "أسماء مصطفى تتعرض لمرض شديد وتجربة مريرة، لكن برضه يا أسماء أنا عارفة إنك حتعدي، وإن عندك الإيمان والقوة عشان ولادك وزوجك وحبك للحياة والعمل."