نشر عدلي صادق سفير دولة فلسطين السابق لدى الهند، والمقيم حاليا في العاصمة المصرية القاهرة، حديث هاتفي مع مسؤول مصري برتبة لواء ، نافياً بشكل قاطع وجود تنسيقات مصرية للمسافرين عبر معبر رفح البري.
وقال اللواء المصري وهو المسؤول عن الملف الفلسطيني لـ"صادق": "يا ريت الناس في غزة تعرف، إنه ده افتراء، وتعرف إن الآلية اللي اعتمدناها هي أن فئات الطلاب، بمن فيهم اللي رايحين للدراسة في بلد آخر، مش محتاجين تنسيق، والمرضى مش محتاجين تنسيق، وحتى المدرجين على كشوف الممنوعين مش محتاجين تنسيق إذا كانوا مسافرين لبلد آخر".
وأضاف "لكن حماس علشان تمشي الناس اللي دفعوا فلوس، وتداري نفسيها، بتقول للناس إن دول تنسيقات مع مصر، واحنا معندناش علم، حتى المواطنين المصريين، اللي عايزين يرجعوا لبلدهم، بيصعب عليهم السفر بحجة إن التنسيقات مع مصر بتعطي غيرهم الأولوية".
وتابع الضابط المصري حديثه "احنا بنفتح المعبر استثنائياً للطلاب والمرضى والمصريين واللي عندهم إقامات في الخارج، ولكن بتلاقي الأوتوبيسات اللي بتيجي فيها ناس من غير الفئات دي".
وتحدى الضابط المصري حركة حماس ان تثبت عكس ما تحدث به، وقال: "خليهم يجيبوا (يقصد حماس) واحد يقول إن لنا علاقة بتنسيقات ويثبتوا كلامهم، إحنا عايزين الناس تعرف الكلام ده، ونتحدى أنهم يودوا اتوبيس من الفئات اللي ذكرتها، ويجيبوا حد رجعناه، احنا ملتزمين بده، ودي هي قواعد ملزمة لنا لما بنفتح المنفذ استثنائياً".
