أطلقت الفنانة رنا سماحة، أول عمل فني يجمعها وزوجها الملحن سامر أبو طالب، بعد انتهاء الأزمة الزوجية بينهما بالصلح، واستعانت رنا بمقاطع من حفل زفافهما في كليب الأغنية الجديدة "شكرا"، وظهر في الفيديو تامر حسني وساندي ومصطفى حجاج.
رنا نشرت مقطعا قصيرا من الأغنية عبر حسابها بموقع إنستغرام، وعلقت عليه بكتابة الكلمات الأولى للأغنية قائلة: "م النهاردة خلاص شكرًا.. لف وحركات لأ.. ده زمان وجبر"، والأغنية من كلمات أحمد حسن راؤول، ألحان سامر ابو طالب، و توزيع عمرو الخضري، فيما طرحت رنا سماحة، فيديو كليب الأغنية كامل عبر قناتها على موقع يوتيوب.
وسبق أن أعلنت رنا سماحة انتهاء أزمتها العائلية مع زوجها الملحن سامر أبو طالب، بعدما بادر الأخير بنشر مقطع فيديو أبدى فيه اعتذاره عن أي خطا وتقديره الكامل لزوجته وأم ابنه، وعدم قدرته على مواصلة الحياة بدونها، ملمحا كالعادة إلى أن ما حدث كان بسبب الحسد والحقد، ووعد بألا يتكرر مرة أخرى.
رنا نشرت مقطع الفيديو عبر حسابها بموقع إنستقرام وظهرت فيه بصحبة زوجها سامر، وتم تصويره خلال حفل اكتشافهما نوع المولود، وأرفقت رنا، مع الفيديو رسالة من زوجها سامر أبو طالب، قال فيها:أولا الحمد لله، ثانيا هقول الكلمتين الجايين دول لـ(أم مالك)، مراتى حبيبتى وأم ابنى اللى اكتشفت فى الفترة اللى فاتت دى أنى ماقدرش أعيش من غيرها ولا حتى بكون مبسوط فى أى حاجة حتى أبسط الأشياء هى لازم تكون فيها معايا بحبها أوى بجد ".
وأضاف سامر أبو طالب: يمكن كنت أوقات بعند بس اكتشفت أنى فعلا ما ينفعش أكون غير ليها وهى ماتنفعش تكون غير ليا.. آسف لو زعلتك فى أى حاجة وربنا يباركلى فيكى ويحفظنا من كل شر ويبعد عنا الحسد والحقد واللى كارهين يشوفونا مرتاحين وهاديين، والحمدلله دائما وأبدا.
وتابع سامر أبو طالب: نيجى بقى لـ(برنس قلبى) ابنى وقرة عينى حبيبى وصاحبى وأخويا اللى لسه ماشوفتوش (مالك) مش هقولك غير أنى بحبك ولما تيجى بالسلامة هقولك حاجات كتير أوى نفسى أقولهالك ومش هتفارق حضنى أبدا، بحبك يا رنا وبحبك يا مالك.. شكراً للناس اللى كانوا بيكتبولى كلمة حلوة عشان عاوزين يشوفونا تانى مع بعض".
وعلقت رنا على رسالة زوجها قائلة: الحمدلله يا حبيبي ربنا يخلينا لبعض يا رب ويخليك ليا ولمالك يا رب ويبعد عننا أي حاجة وحشة.. عيشنا فترة صعبة والحمدلله أنها عدت، مفيش بنا أسف يا أبو مالك بس عارف لو عملت كده تاني.. ربنا ميحرمناش من بعض ويحفظ بيتنا ويكبر ويعمر بوجودك وسطنا يا رب أمين.. بحبك يا جوزي.
