رد الفنان تامر عبد المنعم على الانتقادات التي وجهها له مغني المهرجانات حمو بيكا واتهامه بالتنمر عليه على خلفية تصريحاته في ندوة قصر السينما التي استضافت الفنان هاني شاكر منذ أيام.
وخلال لقائه مع برنامج ET بالعربي، أبدى تامر عبد المنعم اندهاشه من اتهام حمو بيكا له بالتنمر قائلا " وهو لما قال على أم كلثوم أم كلسون كان إيه؟ّ!.. حسبي الله ونعم الوكيل".
وكان الفنان تامر عبد المنعم قد هاجم مجددا مغني المهرجانات حمو بيكا في منشور عبر Facebook وقال "السؤال للدكتور حمو بيكا ولا ما حموهوش.. أنا ما هاجمتكش أساسًا، كل الموضوع إني استضفت النجم الكبير هاني شاكر في صالون ثقافي حول إشكالية حرية الإبداع والمنع، وبالمناسبة قال فيه حمو يذاكر كويس ويدخل الإمتحان وربنا معاه يعني ما منعكش".
وأضاف: "أما بالنسبة لوطنيتك اللي اقحمتها في الموضوع.. أحب أقولك أنا لم أشكك فيها، وبالمناسبة وجودك أنت وفرقتك في احتفالات أكتوبر مش دليل عشان تستند عليه، شكرا.. نسيت أقول لك شوف حد بيعرف يقرأ عشان يقرأ لك".
ليرد حمو بيكا في منشور عبر Facebook "ردًا على كلام المدعو تامر عبد المنعم، الحمدالله انا مش مستني حد زيك يقولي اقرأ أو مقراش"
وتابع بيكا "انا معايا اخواتي هما عيني وضهري، انا بقى اللي بقولك شوفلك حد ينضف قلبك من الغل والصفار والتنمر اللي فيه.. يمكن ربنا يكرمك وتلاقي اللي بيديك دور تمثله ولا حاجة، حسبي الله ونعم الوكيل في كل شخص معاه سلطة وبيتحكم في خلق الله"
واختتم المنشور قائلًا "احنا معانا ربنا مش سلطة وقرارات وحقي هاخده".
