كشفت الفنانة شيرين عبد الوهاب أسرارا لأول مرة حول علاقتها بزوجها السابق الفنان حسام حبيب.

وخلال الجزء الثاني من حوارها مع الإعلامية اللبنانية نضال الأحمدية قالت شيرين عبد الوهاب إن عودتها من جديد لحسام حبيب تتطلب معجزة من الله، مشيرة إلى أن حديث والده عن مفاوضات العودة ما هو إلا كذب وافتراء وليس له أساس من الصحة.

وأضافت شيرين عبد الوهاب " 4 سنين بنام على الكنبة.. نومة الكنبة حلوة، أنا بحب حسام بس أنا بحب سرطان، حب حسام ليا بقا وجع وضعف وخوف وأنا محبش أكون ضعيفة ولا خايفة".

وتابعت شيرين عبد الوهاب "كنت ضعيفة علشان حبيت وأنا اتربيت زي أي ست مصرية إن الراجل يتشال على الراس، أنا ممكن بوردة بدبلة أنا كدا اتجوزت ومؤخر صداقي كان 25 قرش، مين ترضى بكدا غير الست المصرية لكن أنا رضيت.. رضينا بالهم والهم مش راضي بينا؟".

واستكملت شيرين عبد الوهاب " حتى المصرية اللي بتاخد بالها من نفسها وبتتجوز الغني ويجيب لها اللي هي عايزاه مش سايبنها بردو في حالها"، في الإشارة إلى الفنانة ياسمين صبري.

واختتمت " راجل مش مقدر ست بتظبط نفسها علشان هتدفن عنده في نفس المكان اللي هيدفن فيه.. صعب أوي اللي أنا فيه مش قادرة استحمله.. تعبت أوي في العلاقة دي".