كشفت الفنانة ايتن عامر عن قرب تحقيق حلم تأخر 18 عاما كاملة، وهو حلم تقديم أول أغنية رسمية بصوتها، مؤكدة أن باكورة ألبومها الأول اغنية "بناقص" سيتم إطلاقها بتقنية الفيديو كليب يوم 7 يناير الجاري.

آيتن نشرت صورة لها من داخل الكليب عبر حسابها بموقع انستغرام وعلقت عليها قائلة: اخيرا و بعد ١٨ سنة تأجيل، أول اغنية ليا هتنزل يوم ٧ يناير و الحقيقة هو يوم مميز جدا، و ربنا يستر.

أضافت: شكرا لشركة لايف ستايلز ستوديوهات اللى تحمست للمشروع و نفذوه على اكمل وجه مع فريق عمل من اهم الفنانين فى الوسط الفنى.

تابعت قائلة: اغنية بناقص الحان وليد سعد و كلمات تامر حسين و توزيع احمد ابراهيم، وصورنا الكليب امبارح الحمد لله و بشكر اختى وصاحبتى بتول عرفة على تعبها و مجهودها و كل الكرو اللى بجد تعبوا و اشتغلوا ٢٤ ساعة بلا توقف ولا راحة.

وواصلت قائلة: شكرا لمدير التصوير حبيبى ( محمد عز العرب ) و كل الكرو بتاعة، و شكر خاص لأحمد مبارز صديقى العزيز مصور الفوتوغرافيا على اهداءه صور دى.

واختتمت برسالة مثيرة للشباب قائلة: الاغنية اهداء منى لكل بنت لان فكرة الكليب بتناقش موضوع مهم و فيه رسالة بسيطة هتعجبهم جدا، اما بقا الولاد اللى الاغنية هتتبعتلهم كتير من ارقام مجهولة الفترة الجاية مش هقولهم غير كلمة واحدة ( أنا اسفة ).