كعادتها كل عام يوم 14 فبراير، حرصت الإعلامية رضوى الشربيني على توجيه معايدة خاصة للمطلقات والمنفصلين بمناسبة يوم الحب، وواصلت وصفه بيوم الاستقلال، وقدمت قبلها قائمة بفوائد العزوبية على المرأة بمناسبة يوم الحب قالت فيها أن العلاقات الغرامية والارتباط يدفعان المرأة للوقوع تحت ضغط نفسي كبير.

رضوي الشربيني، وجهت الرسالة لمتابعيها عبر صفحتها الرسمية بموقع الفيس بوك قائلة: إلى كل السناجل حول العالم.. عيد استقلال سعيد.

وقبلها وجهت رضوى الشربيني، وصفة للفتيات السناجل بكيفية قضاء يوم الحب عبر برنامجها "هي وبس"، على شاشة "سي بي سي سفرة"، قالت فيها للسينجل فوايد كتيرة خلال فترة الفلانتين، منها مثلًا مفيش أي نوع من الضغط النفسي اللي ممكن تتعرضيه لو هو في حياتك، انتي بتعيشي في سلام مفيش نكد، مفيش دراما، وطبعًا مفيش خناقة».

وتابعت: وأنتي سينجل، مفيش مقارنات هتقومي بيها مع غيرك، أنتي قاعدة برنسيس في نفسك، كمان من فوايد انك سينجل انك هتعملي فلوس ده أكتر وقت البنات تقدر تعمل فيها فلوس وتحوش.

أضافت: خلال فترة أنك سينجل بتكوني صاحبة قرارك وخاصة في الخروج قادرة تاخد قرارك من غير أي حسابات للشخص المرتبطة بة، كمان وقت السينجلة هو أكتر وقت بتعرفي تحبي نفسك فيه، وتوزعي حب على كل اللي حواليكي سواء الأب والأم.

واختتمت نصائحها قائلة وانتي سينجل أنتي عندك القدرة على الاعتناء الشخصي بنفسك من ماسكات وتمارين وجلسات عناية.