أعلن الفنان تامر حسني عن بدء تصوير أحدث أفلامه ويحمل اسم "بحبك" وتشاركه في بطولته الفنانة هنا الزاهد.
وبدأ تامر حسني في تعريف الجمهور بأبطال فيلمه من الوجوه الشابة، ونشر فيديو عبر حسابه على Instagram ظهر فيه عدد منهم.
وظهر في الفيديو الذي صوره بنفسه وهو يقدم لكل وجه شاب سيناريو الفيلم ولحظة توقيعهم على العقد مع بكائهم وتأثرهم بهذه اللحظة.
وكان تامر حسني نشر مجموعة صور من كواليس الفيلم مع الفنانة هنا الزاهد.
وكتب تامر حسني تعليقا على الصور: "مساء الهنا على أغلى ناس على قلبي أنا، دي صور من أول يومين تصوير لفيلمنا الجديد (بحبك)".
وتابع: "طبعاً في ناس هتقرأ اسم الفيلم بحبِك و ناس هتقراه بحبَك، دا طبعاً مقصود عشان في درامة الفيلم هنبحث طول الوقت عن مدى صدق كلمة بحبِك من الرجل للأنثى و بحبَك من الأنثى للرجل في أحداث فعلاً محيره جداً، الفيلم أكيد فيه ضحك بس في إطار رومانسي بحت مش موجود بقاله كتير".
وأضاف تامر حسني مخرج وبطل فيلم "بحبك": "اتشرفت بمشاركة نجمة اليوم والمستقبل الجميله هنا الزاهد و مبسوط أني أول من اكتشفها في بداية حياتها وفي الفيلم دا بكتشفها تاني وبقدمها بشكل جديد عليها وعليكم".
وقال: "مبسوط جداً لمشاركة حبيب قلبي نجم الكوميديا الكبير حمدي المرغني اللي هيعمل إن شاء الله شغل رهيب في الفيلم كعادته الجميلة، وللأسف لسه مصورش علشان أنزل صوره، بس في أول يوم تصوير له ههريه صور، و انتظروا بعد أيام انضمام نجمه جميله مميزه من نجوم المستقبل اللي هيكون ليها مستقبل كبير إن شاء الله".
