فاجأت رشا ابنة الفنان الراحل سامي العدل متابعيها عبر موقع التواصل الاجتماعي فيسبوك بإعلانها افتتاح عربة لبيع المأكولات في مدينة دهب .

وكانت رشا قد قالت في بث مباشر عبر صفحتها على فيسبوك أنها إن تجاهل المنتجين لها في الأعمال الفنية دفعها للبحث عن وسيلة أخرى لكسب رزقها بعيدًا عن الفن .

وتابعت رشا : ليس لدي إمكانيات كبيرة ، وظروفي المادية دفعتني لتجهيز عربة لبيع المأكولات ، الموضوع مش سهل لكن أنا عايزة أشتغل وأدور على مصدر رزق واعتمد على نفسي .

وأضافت : لن أقول أنني لا أجد عملًا ، مش هستنى حد يشغلني لو ظروفي صعبة ، وأدعوا كل سيدة ورجل أن يعملوا في أي مهنة شريفة سواء الخياطة أو النجارة أو بيع المأكولات ، مفيش حاجة اسمها مش عارف اشتغل إلا لو عندك عائق كبير .

وتابعت : أنا نقابية من 20 سنة والنقابة موفرالي ميزات زي كارنيه التأمين الصحي عشان لما أتعب أعرف أدخل مستشفى بسعر مخفض، وأنا عارفة إني لو طلبت من أهلي مش هيتأخروا ، لكن الأهم إني أشتغل وأكسب طالما مفيش شغل.

وأكدت رشا أنها بدأت مشروعها بإمكانيات بسيطة وتسعى للتجربة والسعي حيث قالت : أنا بسعى وعايزة أعمل حاجة وأغير الواقع اللي انا عايشاه وأقاوم الظروف ، أنا غيرت طريقة تفكيري وخليته إيجابي ، لكن التفكير السلبي هيخليك محبط ومش عارف تعمل حاجة .

وأضافت : في ناس عملتلي بلوك لما شافوني بشتغل الشغلانة دي ، اللي مش قادر يدعمني دي مشكلته هو ، أنا مشكلتي المادية حاليًا بحلها بنفسي ، ومش طالبة من حد يتدخل في حياتي ويقول لي إيه الصح والغلط ، أنا مطلبتش مساعدة أو حاجة من حد .