رد الفنان سعد الصغير، على دعاء صديقه الفنان محمود الليثي له خلال تواجده في الحرم النبوي قبل أدائه مناسك الحج.

أعاد سعد الصغير نشر فيديو الليثي وهو يدعو له عبر حسابه بتطبيق Instagram، وعلق كاتبا: "أخويا وحبيبي وعشرة العمر أبو سيد.. ربنا يخليك ليا يا حبيبي ودايما في نجاح كدة يا رب ومبسوط دائما في ضهر بعض، أخويا بجد اللي بحبه من قلبي".

وأضاف: "ربنا عارف أنت عندي إيه.. ربنا يحميك يا حبيبي ويكرمك بإذن الله، واللهم تقبل منك يا رب.. حبيبي يا أبو سيد تسلم يا غالي".

وكان الليثي نشر فيديو وهو يدعو للصغير قال فيه: "عايز ادعي دعوة من قلبي لأخويا وحبيبي نجم النجوم سعد الصغير، ربنا يكرمك ويوفقك ويسعدك ويديك خير الدنيا كلها يا أبو محمود، ويخليلك مراتك، ويهديلك حالك، ويهديلك عيالك ليك يارب، ويجعل خير الدنيا كله عندك يا سعد، وربنا يبعد عنك الناس اللي مبتحبكش، ويكفيك شر الناس اللي مبتحبكش، ويجعلك مستور في الدنيا والآخرة".