أكد الفنان المصري خالد زكي، أنّه يشعر بالقهر بسبب الظروف الصعبة التي حاصرت أبناء جيله.

وقال خالد زكي: "ليس لدي رصيد في البنك؛ لأني للأسف مشيت بطريقة كان الناس بتختلف معايا فيها، وهي اصرف ما في الجيب يأتيك ما في الغيب فكنت بحب أهلي يعيشوا سعداء وكان بالنسبة لي أنا آخر حاجة أفكر فيها خالص فمعملتش حاجة خالص لنفسي".

وأضاف خالد زكي: "الظروف المادية بتلخبطني ومينفعش أقول ده.. عشان محدش يقول الفنان الفلاني مايعرفش يجيب كذا.. وفي 2011 بعت عربيتي على أمل إن الظروف لما تتحسن هجيب عربية، والحمد لله الظروف اتحسنت كوضع أمني ولكن أنا لحد دلوقتي بركب عربية مراتي، ومش قادر أجيب عربية؛ لأني بفكر إن الفلوس اللي ممكن أجيب بيها عربية أقدر أصرفها في الأكل والالتزامات، أنا بحس بقهر من جوايا على الأحوال المادية بالنسبة لجيلنا".