سمية الخشاب: "يأجوج ومأجوج هيحصلهم صدمة لما يطلعوا"

سمية الخشاب
حجم الخط

القاهرة - وكالة خبر

أثارت سمية الخشاب الجدل من جديد عبر حسابها على موقع التواصل الاجتماعي لتبادل التغريدات تويتر، من خلال تصريحات حول يأجوج ومأجوج. 

حيث قالت: من ساعة ما صحيت وأنا بحاول اتخيل الصدمة اللي هيبقى فيها يأجوج ومأجوج لما يطلعوا علشان يفسدوا في الأرض وميلاقوش حاجه يفسدوها فنبقى احنا علينا عليهم.

وفي وقت سابق، تحدثت الفنانة سمية الخشاب عن دعمها لطلبة الثانوية العامة خلال الفترة الأخيرة، قائله: “أنا بساعد طلبة الثانوية العامة على السوشيال ميديا بمنتهى الحب مش عشان التريند، لكن عشان حاسة إني هقدر أفيدهم وعندي حاجة قادرة أقدمها”. 

وقالت سمية الخشاب في مداخلة هاتفية لبرنامج "خلاص صحينا" من تقديم مارينا المصري عبر محطة نجوم إف إم: " لو هيكون لي لقب أحب يكون (بنت البلد)، وبقول لطلبة الثانوية العامة ما تقلقوش وما تخافوش، والثانوية العامة مش نهاية الدنيا واللى مش هينجح في حاجة أكيد موهوب في حاجة تانية ممكن يلاقي نفسه فيها".

وتابعت سمية الخشاب: "أقول للأهالى كونوا فخورين بأولادكم ولازم تقفوا جنبهم وتشجعوهم، و جبت فى ثانوية عامة 96% وأكتر مادة كنت بخاف منها هى الجغرافيا وكنت بحب العربي والفرنساوي جدا، و اتعلمت من مدرس الفرنساوي علمنى الدقة في المواعيد".

واختتمت بأنها بتحضر لمسلسل قريب وهيكون حاجة مختلفة جدا إن شاء الله، وعندي أغنية جديدة هتقلب الدنيا.