كشف الفنان محمود المهدي، سبب انفصاله عن الفنانة الشابة منة عرفة في الانفصال الأول، مشيرًا لإلى أن السبب يرجع لنقيب المهن التمثيلية أشرف زكي.

وقال محمود المهدي : أشرف زكي سبب انفصالي عن منة عرفة في المرة الأولى، لأن منة بالنسبالها دكتور أشرف والدها، فلما حصل خلاف بيني وبينه، هي زعلت فهو لما كلمها لما حصل الخلا بيني وبينها، فالمفروض هو كان يحل لكن تصرف بطريقة غلط معاها، ومن هنا بدأت المشاكل بينا تحصل.

وعن سبب الانفصال الثاني: الخيانة أنواع، مش شرط مع شخص الخاينة خيانة عهد واتفاق وده كان من ضمن أسباب انفصالي عنها، كان في اتفاق مع أهلها وهما خالفوه، فجأة، ومن غير ما أعرف.

وواصل: موضوع الطلاق، كان وقت عصبية، واتسرعت في موضوع الطلاق وتم الانفصال في نفس اليوم، واللي حصل منها مكنتش قابله، ومكنتش حابب توصل لطلاق، بس في أشخاص حواليها تسببوا في الطلاق ربنا يكرمها في شغلها، وهي عايزة تقف مع أهلها، ومنة شايلة مسؤولية فوق طاقتها، ربنا يكون في عونها.