رسالة فارس لعمرو مصطفى: "أنا رجعت ولو زعلت هزعل ناس كتير

فارس
حجم الخط

القاهرة - وكالة خبر

أبدى المطرب فارس رفضه لتصريحات الفنان عمرو مصطفى تجاه الفنان عمرو دياب، خاصة وأنه كان شاهدًا على بدايته، وذلك أثناء استضافته في برنامج "كلام الناس" على فضائية "إم بي سي مصر".

وقال: " لقيت ملحن بيشتم في نجم كبير، بيتكلم عليه وحش، أنا قولت مينفعش، أنا بقول لعمرو مينفعش يا عمرو، وإنت عارف فارس، ينفع تقول كده على عمرو دياب؟، ينفع تقول الكلام ده على فارس؟، اسألوا عمرو قولوا مين فارس؟، زعلت منه، أنا بحبه هو جميل وموهوب، مينفعش يخبط في الناس، ومينفعش يقول الكلام ده على عمرو دياب".

وتابع:" هو كان ملحن كويس وموهوب، وكان بيلاقي شوية صعوبات مع الناس، معجبنيش أنا الكلام ده بصراحة، وكنت مقتنع بيه جدا، ممكن أكون في فترة من الفترات سبب في حاجة، ممكن بالمعنى ساعدته، فأنا عايش المراحل دي، مينفعش، يتقال على حد كده، مين يجيب اسمي؟، عيب، راجل كبير ومحترم واسمه فادوا ".

وأضاف: "عمرو مصطفى كنا 24 ساعة مع بعض، عمرو مصطفى تحديدًا يعني، ممكن يكون عايز يعمل حاجة مفهمتهاش، حاليا مبنتكلمش خالص، فترة من الفترات هو نجح، وأنا رحت سكة تاني، مفيش أي اتصال، أنا عن نفسي اتصدمت".

واختتم:" أنا كنت شايف الدنيا وعارف ده مين وده مين، الصندوق الأسود، الناس كلها حلوة و جميلة، كله بقى يلم نفسه إحنا رجعنا وممكن أزعل أنا ولو زعلت هزعل ناس كتير، الدنيا تبقى حلوة زي زمان، مش هسكت بقى".