علقت الإعلامية لميس الحديدي، على الشائعات التي تطال الفنانين سواء ما يخص الزعيم عادل إمام أو ما طال الفنانة ميرفت أمين، قائلة: "هو إحنا ليه بقينا نفتقد للإنسانية؟ مبقاش فيه إنسانية أو رحمة أو نرحم بعض".
وقالت "لميس" في خلال تقديمها لبرنامجها "كلمة أخيرة" على فضائية "أون إي" اليوم السبت: "الحمد لله الزعيم عادل إمام كويس ولكن السؤال حتى لو كان مريضًا من حق أسرته أن تقول أو لا تقول ما تريده من حقها بس دي حياته الشخصية وهي مش مشاع، صحيح حب الناس جارف لكن فيه فنانين كتار قرروا يتواروا في وقت معين وعادل إمام كان بيمثل لآخر لحظة لحد سنة ونص فاتت".
وتابعت: "من حق الناس تقرر أمتى تختفي أو تظهر لكن السؤال إحنا إنسانيًا بنتعامل إزاي؟ بنوجعه إزاي وبنوجع اسرته إزاي؟ ده الزعيم اللي ضحكنا كلنا ليه النهارده نضايق الناس؟".
وعن ميرفت أمين، قالت "الحديدي": "استمرارًا لحالة اللانسانية هذه الجميلة التي أسعدتنا جميعًا ولازالت إيه المشكلة أن ظهر عليها علامات الزمن ؟ إيه المشكلة والأخ اللي قاعد يكتب على السوشيال ميديا أنت شكلك إيه؟ وعامل إزاي؟ هل قيمة ميرفت أمين الفنية بجمالها أام بما قدمته؟.
وتسائلت لميس: "لماذا نعيش حالة العنف والشراسة التي أصبحنا فيها ؟ هؤلاء النجوم ياما ضحكونا وأمتعونا والناس كانت تتمنى تتصور معاهم؟ ليه دلوقتي نبقى متنمرين ومزعجين بالقسوة دي ؟ من غير رحمة ترضى رجل أو إمرأة يقبل يحصله كده؟ لابوه وأمه؟.
