فاجئت الفنانة دنيا سمير غانم، جمهورها بحضور حفل افتتاح مهرجان الإسكندرية السينمائي الدولي لدول البحر المتوسط، إذ رجح البعض عدم حضورها بسبب انشغالها في تحضيرات مسرحية تجمعها بالمخرج الكبير خالد جلال.

وصرحت الفنانة دينا سمير غانم، أنها تستعد للمشاركة في الموسم الدرامي الرمضاني القادم بعمل درامي، وذلك في لقاء تلفزيوني مع الإعلامية بوسي شلبي، على هامش تكريمها بمهرجان الإسكندرية الدولي لدول البحر المتوسط في دورته الـ 38.

وقالت دنيا سمير غانم: " التكريم بالنسبة لي حاجة كبيرة جدًا، أنا دايما بشتغل وعندي أعمال وكل حاجة، بس أنا بحس إن الحاجات دي كبيرة جدًا عليا، بحس إن أنا عندي لسه حاجات كتيرة أقدمها، ويارب الحاجات الجاية تكون أحسن من الحاجات اللي فاتت".

وتابعت: " الكوميدي أصعب لإن مش سهل بالذات في مصر، إن ترسمي البسمة على وشوشهم دي حاجة بتحتاج مجهود من ناس كتير قوي، وحبي للكوميدي غير حبي بابا، حبي لموهبته، لإن هو فعليا معايا طول الوقت، بتجاربه بشخصيته، في أي عمل هتلاقي ضحك غير طبيعي، يعني أنا تلاقيني عاملة شخصية أو موقف، كده يعني".

وبخصوص مسرحية "آنستونا" التي تشارك في بطولتها، قالت: المسرحية فيها كل حاجة، إن شاء الله يكون يحقق للناس يوم أو خروجة لذيذة، ويستمتعوا، فيها ضحك واستعراض وأغاني، وهنلف بيها المحافظات، وفيه مسلسل في رمضان إن شاء الله".