كشفت الفنانة ثراء جبيل، لقائها في برنامج "نص الكلام" من تقديم راغدة شلهوب عبر قناة "النهار" تفاصيل صادمة عن تعرضها للتحرش على يد طبيب.

وتحدثت ثراء جبيل، إن هذه الواقعة حدثت عام 2014 على يد طبيب طوارئ في مستشفى، قائلة :"إنها كان عندي تجربة سيئة مع التحرش كان دكتور، كان عندي بروفات مسرحية في الهرم وكنت تعبانة وسخنة جدا، وزملائي أخدوني لمستشفى كان معايا زميلتي والأولاد زملائي استنوني برا.

وتابعت: دخلت أوضة الكشف مكنش في ممرضة، والدكتور ربنا يسامحة تحرش بيا وحبسناه، المفروض حدود كشفه معروفه لحد بيشتكي من ألم في الصدر والزور وسخونية، والكشف خرج برا الحدود دي تماما ومن كتر الصدمة مكنتش قادرة أتكلم حاجة غير أخلاقية، ولما خرج يجيب حاجة حكيت للبنت اللي معايا ومسكتتش وزعقت ليه وزملائي سمعوا كلموا ناس وبهدلناه ومستقبله راح.

وأكملت: فضل يدافع عن نفسه وقال أنه معملش حاجة، أنا مش هتبلى عليه والموضوع كان واضح أنا كنت واعية وفاهمة إيه اللي بيحصل، كان في حاجة غلط بيعملها واستمرت مدة الكشف وهي 5 دقايق، شعرت بالانتهاك والظلم والصدمة لأنه دكتور وفي ميثاق شرف.

وكانت تصدرت الفنانة المصرية ثراء جبيل، محركات بحث جوجل، في الساعات الأخيرة،  بعد أن خرجت عن صمتها بعد مرور أربعة أعوام على خلافها مع المخرج أحمد صالح.

أجابت ثراء جبيل، في برنامج “نص الكلام”، الذي يذاع على شاشة النهار الفضائي،   عندنا تسآلت عن شخص لن تعمل معه مجددًا، لترد: " أحمد صالح اشتغلت معاه في مسلسل  هو كان عنده اخت شغاله مساعد مخرج، غلطت في المساعدة بتاعتي غلط جامد عشان حاجة احنا مكنش لينا ذنب فيها خالص عشان راكور لحاجة هي مش بعتاه اصلا، وهزقتها جامد وانا سامعاها وهيه بتتكلم علينا وانا فالكرفان وصوتها عالي جدا فوسط الشارع".

وتابعت: “وانا لما بتعصب ببقي صعبه شويه فهي عيطت ) وطبعًا راحت عيطت لأخوها الاستاذ المخرج، بعد شويه لقيته بيكلمني فالتلفون ( ألو.. ثراء.. ايوه.. انا احمد صالح ) وفضل نحو ٢٠ ثانيه بيسبنـي ويشتمني بافظع الألفاظ واقذر الشتايم”.

كما أكملت: “كان في وجود المنتج الفني وممثله زميله والمساعدين وانا كنت فاتحه الاسبيكر لاني متعوده طول الوقت مش بحط التليفون علو ودني ومعرفش أن ده هيحصل.. طبعًا كلهم مكنوش مصدقين وانا كل اللي عملته قفلت السكه ومردتش”.