هاجم عمر حسن يوسف ابن الفنان حسن يوسف، الفنان حسين فهمي رئيس المهرجان، بسبب تبريره لعدم دعوة والده للمهرجان بأنه حرم الفن في وقت من الأوقات.

ونشر عمر حسن يوسف صور لوالده وكتب: ده لما شبع تمثيل كنت انت لسه بتحبي علي أي فرصة يا حسين يا فهمي.

كما نشر صورة لتكريم والده من الدولة وكتب: طب إزاي الدولة تكرم فنان وسام العلوم والفنون من الطبقة الاولى، ويطلع رئيس مهرجان القاهرة يقول اصل الفنان ده متعزمش عشان بيحرم الفن. لا انت محتاج لما تتعين في منصب زي تراجع كده وتعرف التاريخ كويس. عشان أكيد الدولة بتفهم اكتر منك، بس واضح ان جاي كومبارس وطلعت حافظ كلمتين خايبين زيك.

وظهر حسين فهمي في لقاء تحدث فيه عن سبب دعوته للفنان حسن يوسف في المهرجان وقال: حسن يوسف اعتبر أن الفن حرام في فترة من الفترات، هو لا زال يعمل لكن هل شايفه حرام.

وكان حسين فهمي أثار الجدل خلال الدورة الـ44 من المهرجان بسبب بعد القرارات منها منع الجمهور من مشاهدة بعض الأفلام المشاركة في الدورة.

وعن هذا الأمر قال: الأفلام التي تعرض للنقاد والسينمائيين إحنا شايفين أنها بتكون بتهمهم أكتر وهي أفلام مش تجارية، أنا شفت في مهرجانات في بعض الأحيان الناس بتقوم من صالة السينما وتمشي، في أفلام فيها تخصص أكتر ومهم أننا نعرضها على السينمائيين، وأحنا كنا مهتمين بطلبة معهد السينما وعاملين لهم أسعار خاصة.