أعربت الفنانة ريم مصطفى عن سعادتها البالغة لـ إعادة تقديمها مسريحة “سيدتي الجميلة”، الذي أدى بطولتها قديمًا الفنانة الراحل فؤاد المهندس وشويكار، مشيرة إلى أنها من المرتبطين بأعمال الأبيض والأسود.
وقال ريم مصطفى خلال لقائها ببرنامج عرب ورد: “أنا من الناس اللي مرتبطة بالأبيض والأسود، الحقبة الزمنية دي بشوفهم كلهم نجوم بنبرة صوتهم قبل أدائهم، الناس دي حطت السعادة في قلبنا جدًا، وكبرت على أعمالهم، أنا مش بتفرج على نتفليكس لكن بشاهد طول الوقت روتانا كلاسيك”.
وأضافت: “لما بفتكر الناس القديمة بترحم عليهم لانهم حطوا السعادة في قلبنا كبرت في طفولتي على أعمال الناس دي، وشرف كبير جدًا إني بعيد عمل كبير زي ده”.
من جانبه كانت قد علقت منة نجلة الفنانة الراحلة شويكار، على إعادة تقديم الفنانة ريم مصطفى لـ شخصية والدتها في مسرحية “سيدتي الجميلة”، مشيرة إلى أن ما سيحدث ليس في صالحهم.
وقالت منة :محدش كلمني ولا بلغني وسمعت الخبر ده من النت، ومش عارفة إذا كنت هتخذ إجراء ضدهم أو لا بس، واي حاجه قديمة بتتعرض لحد النهارده والناس بتتفرج عليها، إعادة عرضها تاني فيها ظلم، وبيكون فيها مقارنة والناس بتقول لا دول أحسن وده أحسن.
وواصلت: أحمد السقا كان حبيب أمي وكانت بتعشقة، وريم فنانة جميلة فحرام المقارنة لأنها مش هتبقى في صالحهم.
