تحدثت الفنانة دنيا سمير غانم عن صديقة والدتها المقربة الفنانة ميرفت أمين، مشيرة إلى أنها تعتبرها مثل والدتها تماما، مؤكدة أنها تحبها. وأضافت دنيا سمير غانم، خلال لقاء مع برنامج «إنسايدر بالعربي»: «ميرفت أمين، الصديقة المقربة لوالدتي ربنا يرحمها، وهى لا تتوقف عن دعمي ومساندتي طوال الوقت، وهى زي مامتي، ربنا يخليها لي يا رب، جميلة وبتحبني جدا، وبيسعدني إنها كل ما بتييجي بتضحك برضه وبتنبسط ومابتزهقش الحمدلله من المسرحية».
وتحدثت دنيا عن مسرحيتها «آنستونا»: «بستمتع استمتاع مش طبيعي وأنا بشتغل في المسرح، وفعلا بحس إن أنا وسط أهلي كل يوم، والجمهور ما شاء الله من كل الدنيا كلها، بييجوا لنا وبيكونوا مبسوطين أوي، وفعلا باخد الطاقة بتاعتي منهم».
وواصلت دنيا سمير غانم: «قلت نفسي أعمل المسرحية ونفسي أبتدي المسرحية هنا في مصر وتبقى مسرحية كبيرة، الحمدلله إن الحاجات دي إتحققت والناس بتييجي وباشوف رد فعلها، حلو أوي».
