ردّ الرئيس المصري عبد الفتاح السيسي، على الأنباء المتداولة خلال الأيام الماضية، بشأن بيع قناة السويس، عقب إقرار مشروع القانون الخاص بإنشاء صندوق قناة السويس، والذى أحيل لمجلس النواب المصري.
جاء ذلك خلال كلمة له في كاتدرائية ميلاد المسيح بالعاصمة الإدارية الجديدة، ليلة أمس الجمعة، للاحتفال بعيد الميلاد المجيد، قائلًا: "في ناس بتقول خلي بالكوا قناة السويس مش عارف هيعملوا فيها إيه، خلي بالكوا هيبيعوا حاجات منعرفش إيه".
وأضاف: "لو هنعمل حاجة هنعلن عنها مش هنخبي عليكم حاجة، وزي ما أنا بتكلم معاكوا على طول هتكلم وهقول"، متابعًا: "أنا شايف الناس في مصر قلقانة وخايفة، مش هقول إن ده مش مبرر، لكن إحنا مش بنخبي عليكم حاجة، أنا في كل مناسبة بتكلم، فمتديش ودنك لحد أقل ما فيه إنه غير مسؤول".
وأكمل بالقول: "كل واحد يعرف على قده، الموظف، ثم المدير، لغاية ما نوصل إلى أعلى منصب، يعني حد هيعرف على قداسة البابا في شؤون الكنيسة، بالطبع لا".
وواصل الرئيس المصري قائلاً: "اللي يتكلم إن مكنش يعرف، وأكيد مش هيبقى عارف، أولا ما تخافوش لأسباب كتيرة، أولها إن ربنا موجود، يعني هسيبنا يعني، وهو أعز وأكبر من الكل".
وختم بالقول: "والثاني إحنا كدولة حريصين على التعامل مع الأزمة الاقتصادية العالمية، إحنا ماشيين كويس وإن كنا بنعاني، لكن منخفش ولا نقلق، في ناس بتتكلم كلام كتير، أقل حاجة اللي بيتكلم ما يعرفش".
