أرجع الفنان المصري مدحت صالح رفضه المشاركة في لجان تحكيم برامج اكتشاف المواهب؛ لكونه لا يحب إصدار الأحكام على الآخرين.

وقال مدحت صالح، خلال حلوله ضيفا على برنامج "حبر سري" عبر قناة "القاهرة والناس" المصرية: "مبحبش أصدر أحكام، مقدرش أقول إني وصلت لمرحلة أقول أن ده تمام أو 10/10، ما أحبش أبقى في الحتة دي، بس في ناس تانية عندهم القدرة".

وأضاف "أنا دايما عايز حد يقيمني، أكتر من أني أقيم حد". وتابع: "هبقى خايف من نفسي، أبقى ظلمت حد، خليت حد مايستحقش خد حاجة".

ورفض صالح ربطه موقفه بالأجر الذي قد يتقاضاه مقابل المشاركة، وقال "ربنا مديني فلوس كتير، مش محتاج للفلوس أوي، المسألة كلها إنسانية".

وأضاف: "بخاف لو قلت لحد لأ، بيصعب عليا، زي ما أنا بتفرج في البيت وأحس أن ده كويس ويصعب عليا ينكسر خاطره ويتقال له أنت مش موجود، وأنا محبش أكسر خاطر حد".