كعادتها وحتى إن غابت قليلا، تعود سمية الخشاب للتواصل مع جمهورها من خلال حسابها عبر Twitter تعلق على الكثير من الأمور وتعطي النصائح لمتابعيها.

وقررت سمية الخشاب الرد على أسئلة جمهورها وإعطائهم نصائح في الحياة، وأجابت على سؤال واحد من جمهورها سألها عن السن المناسب للزواج، وقالت له إنه 40 عاما.

وقالت: 40، تكون عملت فلوس كويسة تعيش أولادك ومراتك فمستوي كويس بدل ما تتجوز بدري وتخلف 3 أو 4 ويطلعوا صايعين ويبقوا عالة علي المجتمع.

 

ويبدو أن هذا السن لم يعجب بعض متابعيها فقال لها أحد الأشخاص أن السن المناسب للزواج هو 25 عاما، لترد عليه: أتجوز وانت عندك 25 ووريني إزاي هتربي وهتعلم وهتصرف علي مراتك وعيالك، أهو التفكير اللي زي ده اللي بيسبب الأزمات الاقتصادية، فاكرين الجواز إنجاز.

وعبرت سمية الخشاب عن انزعاجها من شخص سأل عن حالة صديق له يريد الزواج من فتاة سبق لها الزواج، لكن أسرته لا تقبل وردت عليه قائلة: الست اللي سبق لها الزواج لا يعيبها أي شيء بالعكس بتبقي أكثر خبرة في الحياة فياريت بلاش نمشي علي التقاليد الخايبة دي إحنا في 2023، هو صاحب القرار مش أهله.