كشفت الفنانة حورية فرغلي عن حقيقة ارتباطها بالفنان الشاب الراحل هيثم زكي، وذلك خلال لقائها ببرنامج “قعدة ستات”.

وقالت حورية فرغلي:” أنا أكبر من هيثم بـ 6 سنين وكان هيبقى في حاجة بينا بس اتخانقنا فقالي يا بنت كذا وكذا يا طنط.. قولتله تصدق بالله كل اللي قولته مش فارق معايا بس طنط دي وجعتني”.

ويذكرأنا الفنانة حورية فرغلي ردت عن اخبار تصالحها مع الفنانة درة، مؤكدة على أن ما حدث بينهما كان مجرد سوء تفاهم.

وقالت خلال لقائها ببرنامج “قعدة ستات” مع مروة صبري، والذي حلت فيه “فرغلي” ضيفة: “أنا كمان بحبها، وأنا حسيت إن أكيد فيه سوء تفاهم، وإنتي عارفة فيه ناس ممكن توقع في النص، وممكن تعمل أي حاجة مش صح، وزي ما هي قلبها طيب، أنا قلبي طيب، ومفيش بينا غير كل احترام وحب هي كمان من زمان ساعدتني كممثلة”.

وتابعت “فرغلي”: “عايزة أقولك سوري لو طلع مني كلمة في وقت من الأوقات وأنا مش واخدة بالي، وأنا دايما بدعمك كتير، ونفسي نفضل دايما صحاب ونعمل شغل سوا”.