كشف الإعلامي رامى رضوان، عن رأيه في مشاركة ابنته كايلا في مسلسل «جت سليمة، مع والدتها دنيا سمير غانم، مشيرا انه يرفض استمرارها في مجال التمثيل مع أحد أخر غير والدتها.

وأضاف رامى رضوان، خلال لقاءه ببرنامج «et بالعربي»، قائلا: «كايلا مع مامتها هبقى مطمن عليها، لكن البعض اللي متخيل إن هي كده هتبدأ في عالم الفن، وهتروح تشارك في أعمال تانية لا مفيش الكلام ده حاليا، هتركز في دراستها وبعدين نشوف الموضوع ده.

وتابع: «وارد تشارك تاني مع دنيا، لو حاجة هتضيف ليها وتطلع بشكلها الجميل ده ممكن ليه لأ؟».

واستكمل «رضوان»: «قولت لـ كايلا تسمع كلام مامتها لأن هي خبرة، وأنا لمساتي إعلامية إنما هي خليها تركز مع مامتها في الفن أفضل».

شهدت الحلقة الـ12 من مسلسل «جت سليمة» أول ظهور لـ«كايلا» ابنة الفنانة دنيا سمير غانم ورامي رضوان، وخلال رحلة «سليمة» لجمع فصول الكتاب تذهب إلى مكان جديد حيث تلتقي بـ«كايلا» التي تظهر أيضا في المسلسل بنفس الاسم.