أعلنت الإعلامية أميمة بدري فقدانها النطق، بعد تعرضها لعدة أزمات نفسية، ونشرت مقطع فيديو لها وهي تحاول استعادة النطق، ولكنها فشلت، وقالت إنها خضعت لأشعة وتحاليل أكدت عدم إصابتها بجلطة في المخ، وأن ما تمر به بسبب تعرضها لموقف "زعل".
أميمة بدري مراسلة قناة DMC كتبت عبر حسابها بموقع الفيس بوك تعلن فيها فقدها النطق: أنا محتاجة حد يساعدني ارجوكم أنا فجأة فقدت النطق مش عارفه أنطق ولا اتكلم وشفتي طبقت زي البكم والصم وصوتي مش طالع ومش قادرة أخد نفسي أنا خايفه ومش عارفه أعمل أيه أنا تعبانه جدا ومش قادرة أنا مخضوضة من اللي حصلي.
وقامت أميمة بدري بتوجيه الشكر إلى جمهورها وطلت منه الدعاء لها ومساعدتها، حيث نشرت صورة لمجموعة من التحاليل وكتبت: الحمد لله رب العالمين على كل حاجة حصلت ليا، أنا بكتب وأنا مش قادرة عشان اطمنكم أنا روحت المستشفى، وعملت الأشعة المقطعية علي المخ، الحمد لله مفيش جلطة، بس للأسف فقدت النطق، بسبب إني زعلت جامد، ادعولي دعوة صادقة، أنا محتاجة، لدعواتكم وشكرا لكل اللي بيكلمني بس حرفيا مش قادرة من الصدمة.
وأضافت: أنا دكتور كتبلي أدوية، وقالي لازم أرتاح تماما، وخلال 3 أيام لو مش اتحسنت، ورجعت أتكلم هتابع مع دكتور أعصاب، وأعمل جلسات كهرباء، لأعرف أتحسن ادعولي أعرف أنطق تاني، وأرجع لحياتي، أنا نفسيًا مش أحسن حاجة دعواتكم وشكرا للتواصل معايا، ولكل واحد حاول يكلمني، ويساعدني وشكرا للي جالي البيت ووداني المستشفي دعواتكم.
واختتمت: "اللي يعرف الادويه دي تمام ولا حد يقولي اعمل ايه لان انا قلقانة".
وبعدها نشرت أميمة بدري فيديو قصير لها عبر صفحتها الشخصية على فيس بوك، وهي تحاول التحدث لجمهورها ليطمئن عليها معلنة فقدانها للنطق، إثر تعرضها لأزمة نفسية، وبدا واضحا عدم قدرتها على الكلام، وعلقت على الفيديو قائلة: شكرًا لكل حد بيسأل وبيطمن عليا بس ده حالي وصوتي طلع حبه الصبح مكنش في اي صوت ولا حركة شفايفي ولسه تعبانه فمش عارفه ولا قادرة اتواصل قولت اطمنكم بحالي هنا أسهل دعواتكم والحمد لله علي كل شيء بقولكم آسفه لكل حد بيسأل وبيطمن عليا بس مش عارفه أرد ادعولي أكون كويسه.
