دافعت الفنانة فريدة سيف النصر، عن المذيعة رضوى الشربيني، وشددت على أهمية العفو عند المقدرة.

وكتبت فريدة سيف النصر عبر حسابها على موقع التواصل الاجتماعي Facebook: "محترمة ومحبوبة ومش صاحبتي وماعرفهاش، وكانت بتهزر.. مثلا غلطت استظرفت، ياما ناس بتغلط أكثر من كده ليه ناخد المواضيع بقوة أكتر من حجمها العفو عند المقدرة، دي مش قضية دعارة مثلا ولو أنهم بيرجعوا!".

وأضافت: "تعبت للي وصلت له وفاتحة بيتها، الله عفو يحب العفو يا جماعة، والنبي قال رفقا بالقوارير.. قطع العيش كبير عند ربنا والست دي مالهاش في حاجة إلا شغلها.. قولوا لا إله إلا الله وخلاص بقى بحق الله.. وانا باعتذر بالنيابة عنها لكل الرجالة قولوا ربنا عفو".

كانت رضوى الشربيني حذفت التغريدة الأخيرة التي أثارت جدلا كبيرا حين وصفت الرجال بالخرفان.

وقالت رضوى الشربيني في التغريدة التي كانت سبب الأزمة: "مش فاهمة ليه البنات ما تحبش تاكل لحم الخروف بس بتحب ترتبط بيه".