قدمت الفنانة انتصار نصائح للرجال يجب عليهم اتباعها خلال اللقاء الأول مع أي فتاة كما وجهت رسالة للفتيات أيضا.

وتحدثت انتصار في بداية حلقة الأمس من برنامجها "من غير نفسنة" الذي تقدمه مع الفنانة بدرية طلبة ونوليا عبر شاشة قناة "هي" قائله: "اللقاء الأول ده يا إما هنكمل مع بعض يا إما مش هنكمل القاعدة مش العلاقة وأوعوا تقابلوا بعض وتقولوا عشاء أو غداء وأنت إياك تعزمها على غداء أو عشاء لأ تقولوا هنشرب حاجة مع بعض علشان لو أنت قعدت معاها واتضايقت من حاجة زي مثلا نبرة صوتها تفاهتها أو ريحتها متبدسش في 6 ساعات لكن هتشرب حاجة في نص ساعة وتقولها هشوفك بقى وتليفونات ده لو أنت اتخنقت نتيجة غبائها وعينك مش طايقة تشوفها".

وواصلت كلامها: "لو عجبتك قولها طيب تحبي نتعشى".

وأضافت موجهة رسالة للفتيات: "ولو هو اللي مش عاجب البنت ترفض أنها تتعشى وتشرب حاجة وتمشي ولو عجب البنت تقوله أنا عزماك على الغداء وتلزيق المحبين ده".

وتابعت: "لو إنتي رغاية بطبعك وبتحبي تتكلمي في كل حاجة وسيرة أهلك مش لازم تعملي كل ده في أول أو تاني لقاء ومش لازم تحكي فركشتي مع مين قبل كده ومين اللي جه البيت واتقدم على فكرة هو مش جاي يعمل كشف هيئة الراجل لسه بيشوف روحك".

‎من الجدير بالذكر أن برنامج "من غير نفسنة" هو برنامج نسائي ساخر يقدمه كلا من الفنانة انتصار وبدرية طلبة ونوليا يعرض من السبت إلى الثلاثاء ويقدم عددا من القضايا الاجتماعية بطريقته الساخرة والخاصة من خلال استضافة عددا من الشخصيات المؤثرة على السوشيال ميديا والمشاهير والفنانين لمعرفة آرائهم في تلك القضايا.