طمأنت الفنانة فيفي عبده جمهورها على صحتها موضحة أنها بعد العملية الثانية التي خضعت لها أصبحت تسير بشكل جيد.
وظهرت فيفي عبده في فيديو من الساحل الشمالي وهي تسير بشكل جيد وقالت: "يا صباح الفل والياسمين من الساحل الشمالي أنا مبسوطة النهاردة عشان ربنا كرمني وبقدر أمشي بسرعة، بقالي شهرين بتمرن في المايه وخسيت وأخدت لون حلو أوي، مبسوطة أن ربنا كرمني وبقيت بمشي بعد العملية، بشكركم وبحبكم".
وكانت فيفي عبده كشفت في بداية يوليو الماضي عن تعرضها لوعكة صحية لأزمة صحية جديدة، بعد أيام من خضوعها لجراحة في العمود الفقري.
ونشرت فيفي عبده عبر حسابها في موقع التواصل الاجتماعي Instagram مقطع فيديو ظهرت به على فراش المرض، ووجهت رسالة لجمهورها قالت فيها: "مساء الفل والياسمين والهنا من مصر أم الدنيا، عايزة أقول لكم كل خروجة بمشكلة بالنسبالي".
وأضافت: "حصل عندي هبوط وبيحللوا لي وحبيت أسجل لكم اللحظة دي، وأنا كل يوم بتألم من المشاكل دي".
وتابعت: "إدعولي ربنا يؤذي المؤذي وربنا ينتقم من أي حد بيفكر يضايقني أو يعمل حاجة تعرقل حياتي، حسبي الله ونعم الوكيل في اللي يضرني، عليك خلاص الحق يا رب".
وكانت فيفي عبده كشفت في تصريحات لبرنامج ET بالعربي تفاصيل العملية الجراحية التي خضعت لها قائلة: "فجأة لقيت الغضروف قفل على العصب، وابتدت رجلي تتقل ومش قادرة أمشي، ربنا يتم شفائي لإن الصحة تاج، ومال الدنيا من غير صحة ولا حاجة".
وأضافت: "وأنا داخلة أعمل العملية بيدورا على العروق في إيدي مش لاقيين، وابتدوا يعملوا لي فحص لقوا القلب فيه رفة، وطلبوا بسرعة دكتور قلب وأخذت مخدر وعملوا منظار على القلب علشان يشوفوا هل القلب تعبان فعلا، ولما اطمنوا كان جاهزين بغرفة عمليات العمود الفقري".
