أثار الفنان أحمد سعد الجدل خلال الساعات الماضية بعد نشره لصور جديدة ظهر فيها يرتدي "خلخال"

ظهر أحمد سعد في رحلة بحرية يرتدي قميص وشورت أبيض، وربط في رجله أربطة ملونة "خلخال" من الخيوط

وكان أحمد سعد رد على الانتقادات التي وجهت له من قبل بعد ظهوره في إحدى الحفلات يرتدي حلق في أذنه وقميص من الشبك.

وقال أحمد سعد خلال لقائه في برنامج Sold Out من تقديم الإعلامي محمود سعد: "أنا ندمان إني لبست الحلق، الغرب كتير جدا بيلبسوا الحلقان تقاليدهم وكده، والحلق ملوش علاقة بالستات يعني مش بتاع ستات بس، وفي شباب كتير بيلبسوه، في موضة معينة خلاص الدنيا بقت مفتوحة دلوقتي مبقاش زي زمان الدنيا كلها باصة على بعض".

وتابع أحمد سعد: "أنا رحت إيطاليا دورت على أكبر ستايلست يلبسني، بس هو غالبا قلعني مش لبسني لأنه كان بكم عادي خلاني شبك، أنا قلت ألبس على أحسن موضة، ميلانو هي منارة الموضة فجابلي الجاكيت والحمد لله عشان عاداتنا وتقاليدنا هو كان معاه "جيبه" بس قلت لأ مش عايز أزودها، رميت "الجيبه" وضربت الشبك، وناس كتير لبست شبك".

وأكد أحمد سعد أنه لم ينزعج من الانتقادات التي وجهت له بسبب ملابسه، بالرغم من أنه لا يحب النقد عادة وقال: "أنا بتضايق جدا من الناس اللي بتقولي نقد، لكن أول مرة يعجبني النقد، أنا كنت بتشتم 3 أيام في الأسبوع زي المضاد الحيوي، لكن أنا كنت مبسوط أن الناس شافتني منهم وجوا بيتهم، ممكن حد تاني يلبس كده ويسيبوه عادي لكن الناس حابين إني أكون في بيوتهم، ودي حاجة أنا فخور بيها جدا وأنا بعمل كل ده للناس كل الأغاني بختارها عشان تدخل البيوت".