كشفت مقدمة البرامج ياسمين عز أنها اقتربت من خطوة الزواج، كاشفة عن سر الزواج الناجح.
قالت ياسمين عز ردا على سؤال في برنامجها "كلام الناس" المذاع عبر شاشة قناة MBC مصر، عن سر نجاح الزواج: "أنا هقولك بشكل عام لأني في الطريق للجواز، وأنا شايفة من تجربة أهلي، إن الست عمود البيت والست بذكائها وحكمتها وعقلها واحتوائها وقدرتها على استيعاب الأمور مع الرجل وتقبل اختلافه، والموضوع اللي مش محتاج من الست أنها تتخانق مع جوزها بلاش تتخانق، الرجل كائن لا يعبر ولا رغاي، الست تكون صبورة وتدلعه ولو شايفين أن اللي بقوله تفاهة لن تفلحوا مع الرجل، أنك تدلعي الرجل صنعة".
وواصلت ياسمين عز: لو فيه واحدة خرساء اتجوزت هتلاقوا أن الشكاوي من اللسان الطويل والرد خلصت، متقوليش أنا طيبة واللي في قلبي على لساني، لأ متقوليش اللي في قلبك قدام جوزك.
وأضافت ياسمين عز: عمري ما قولت لو جوزك في علاقة مع واحدة متزعليش ده محبوب، أنا مقبلش أن جوزي يكون في علاقة مع واحدة، ولكن أفرح لما يكون محبوب.
