تعرض الفنان السوري عبد المنعم عمايري للضرب خلال تواجده في أحد شوارع سوريا أمام ابنته.

كشفت مريم ابنة الممثل السوري عبد المنعم عمايري عن تفاصيل تعرض والدها للضرب من أحد الاشخاص في الشارع بدمشق، وكتبت عبر خاصية Stories بتطبيق Instagram: "بلد حرة؟ وين الحرية إذا واحد قام بضرب أبي قدام عيوني وابي مرمي على الأرض مغمى عليه! هي هي الأمانة والثقة بإنه نعمر بلد جديدة، قد أبوه وعم يضربوا ويرفسو برجليه عكبدو! ما شاء الله فعلا شي بيرفع الراس".

وأضافت: وين القانون وين الحكم وين الدين والشهادة؟ دينك بيسمحلك تمد ايدك وترفع سلاح عواحد قد ابوك؟ وين الاخلاق بإنك تضرب زلمة قد ابوك لتخليه يغمى عليه عالأرض؟ القانون وين والدين والشهادة وين؟ ما قلتولنا بلد متحضر ما بيسكت عالقانون، حق ابي مين بجبلي ياه؟ حق ابي والمنظر يلي شفنا انا واختي مين برجعلنا ياه؟

وتابعت مريم: ما قلتلونا نحن سوا لنعمر البلد ونساعد الناس ونكون إيد بإيد لنساوي سوريا الجديدة؟ ما قلتو رح تحمو الكل؟ وين الحضارة؟ دينك ما بيسمحلك تسمع كفر وسب الله بس بيسمحلك انك تضرب واحد اكبر من أبوك؟؟ في قانون بتروح بتشتكي لو غلط وبتتصرف بكل قانون ووعي يا محترم، يتقوم بدينك وشهادتك بتضرب واحد ليغمى عليه!!

وواختتمت ابنة عبد المنعم عمايري كاتبة: "أبي عامل عمليتين بكبدو ومرارة.. ماصرلو كم شهر طايب منها ممنوع يحمل شي تقيل ولا يقرب حدا ع هدول المناطق يلي بجسمو.. بقوم برفسو بالبارودة ع كبدو اووووووووف ع الحضارة أوووووف ع الحرية شو حلوة انا هيك".