علق الفنان تامر حسني على الصورة التي انتشرت من لقائه مع شاب من جمهوره ومحبيه والذي يشبهه كثيرا من حيث الشكل والإطلالة.
ونشر تامر عبر حسابه في موقع Instagram الصورة التي جمعته بالشاب، وكتب عن سعادته لأنه التقى به وأنه وللوهلة الأولى كان يشعر أنه يرى نفسه، وأكد تامر أنه سعيد لأن الشاب لديه حياة خاصة ولا يحاول تقليده، وطلب من محبيه أن يكون لهم حياتهم الخاصة، ولا يعيشوا فقط ليحاولوا تقليد أحد.
ودعى تامر كل شخص يحبه ويحاول تقليده ألا يقلده في الشكل والأسلوب فقط، بل في الإصرار والتعب للوصول إلى النجاح، فكتب تعليقا على الصورة: “للوهله الأولى كنت رايح اسلم عليه كنت فاكره انا، لأ وتحس انه شبهي اكتر مني مش فاهم ازاي المهم بعد ما اتكلمت معاه لقيت الموضوع كله ان من الحب ما شبه بس اللي خلاني اكتب البوست ده حاجه مهمه اوي اني سألته بتشتغل ايه قالي مهندس ففرحت عشان انك تكون بتحب فنان ومستهويك حتة انك شبهه اوعى تلغي نفسك وتعيش على الفكره دي هزر بيها كام يوم كده وخلاص .انما انت لازم تبقى انت واللي هكون فرحان بيه بجد انك لو بتحب فنان اوي كده فياريت تتأثر بالأعمق بالمضمون مش الشكل اتأثر بنجاحه واتعب وإنجح زيه في مجالك نهاركم ابيض ان شاء الله”.
