انتقدت أسما شريف منير الشائعات المتداولة حول علاقة الفنان عمرو دياب بالفنانة دينا الشربيني.

وكتبت أسما عبر حسابها على facebook قائلة: "نفسي أعرف المصدر قليل الأصل اللي بيحكي للصحافة أدق التفاصيل اللي بين عمرو دياب ودينا واضح إنه قريب ومش بيصون العيش والملح، عيب، البيوت أسرار.. ربنا يبعد عنا الناس دي يا رب، النجوم على فكرة بشر عادي بيتخانقوا وبيخرجوا عن شعورهم.. واللي بيكتب خبر يفضح في حد كده إيه إحساسك؟ أنت/ أنتي مش فاكرين أنه ذنب، كله عقابه عند ربنا (الستار)... البشر بقى مرعب بجد والله".
يذكر أن أسما شريف منير شاركت والدها في تقديم برنامج "أنا وبنتي" عبر قنوات ON، الذي انتهى عرض آخر مواسمه ‏قبل بداية شهر رمضان‎.‎