كشفت الإعلامية المصرية بسمة وهبة للمرة الأولى عن سبب إنفصال الفنان المصري عمرو دياب والممثلة المصرية دينا الشربيني، مشيرةً إلى أن الحسد وكثرة الأقاويل والأخبار التي رافقت علاقتهما هي السبب.
ونشرت وهبة عبر صفحتها الخاصة على انستغرام مقطع فيديو، علّقت عليه بالقول:" من الآخر ده سبب إنفصال عمرو دياب ودينا الشربيني".
وقالت:" أنا النهاردة يا جماعة بما إني قابلت النجم الجميل عمرو دياب فأنا عرفت هو ودينا الشربيني سابوا بعض ليه، للأسف مضطرة أقولكم إنهم سابوا بعض من نبرّنا يا جماعة".
وأضافت: "عمرو دياب قمر يا جماعة وجميل وبيبي ومتواضع وكل حاجة حلوة فيه، وهي كمان كل حاجة حلوة فيها على فكرة، جبناهم الأرض للأسف، حسد وعينينا ونبرّنا عليهم، وحتى بعد ما سابوا بعض مش سايبينهم في حالهم وبنسخنهم على بعض".
وتوجهت إلى الإعلامي المصري تامر أمين طالبةً منه أن يخفّ عليهما قليلاً، وقالت له:" بالراحة عليهم يا تامر أنت جاي تهدي النفوس، وبعدين يا تامر أومال أما أنت تعمل كده أنا هطلع أعمل إيه في برنامجي الجديد؟ أعمل إيه أنا؟"
ووجهت نصيحة لعمرو دياب ودينا الشربيني، قائلةً: "الفلوس ممكن تشتري أي حاجة في حياتنا، إلا الحب مالوش ثمن ولا سعر، اللي يلاقي حب في حياته حلو وجميل يمسك فيه وتنازلوا وحاولوا، ونصيحتي من باب الخير وبلاش تستغنوا عن الحب بالسهولة دي".
