كتبت البلوجر اسما شريف منير من خلال خاصية ستورى عبر حسابها بـ إنستجرام :" صدمات كتير فى حياتى الفترة دى والحمد لله اكيد خير طبعا ".
واضافت اسما شريف منير :" بس حقيقى من اصعب الفترات اللى عديت بيها ولسه بعدى بيها ،كذا شخص اكتشفت حقيقته واتصدمت فى ناس قريبة اوى اوى ليا مع انى عمرى ما اذتهم لكن هما اذونى بكل سهولة ".
وتابعت:"للأسف البرنامج اللى فى رمضان اتلغى وده خارج عن ايدى وغصب عنى ،كنت متحمسة جدا انى اخيرا هعمل برنامج فى المطبخ لانه من ضمن احلامى"
واختتمت اسما شريف منير:" بس انا عندى ثقة فى ربنا انه هيعوضنى خير عن كل حاجة انا مريت بيها ولسه بمر بيها لانه عارف نيتى ومطلع على قلبى ..بحبكم واسفة انى طولت عليكم"
وعلمنا أن الفنان الشاب محمود حجازي قد انفصل عن زوجته الإعلامية أسما شريف منير ابنة الفنان شريف منير .
واحتفلت أسما اليوم بعيد ميلادها برفقه عدد من أفراد عائلتها في عدم وجود زوجها ونشرت فيديو على "ستورى" انستجرام الخاص بها وعلقت عليها " كان ناقص ابويا وأخواتي ولورا بس .. الحمد لله على نعمه العائلة والعوض " .
كما قامت أسما بإلغاء متابعة محمود حجازي على موقع تبادل الصور انستجرام ؛ ليرد حجازي ويلغي متابعته لها هو الآخر.
