كشفت المخرجة كاملة أبو ذكري حقيقة ما أثير حول تبرعها بطرف صناعي للفنان شريف دسوقي.

وكتبت كاملة عبر حسابها على Facebook لتصصح هذه الأخبار، موضحة أن صديقة لها هي من طلبت التبرع لدسوقي.

وقالت:"صديقة عزيزة عليه من زمان كلمتني وطلبت إنها عايزه تتبرع لأستاذ شريف دسوقي بالطرف الصناعي، صديقتي عايزة تعمل كده من حبها وإيمانها بأستاذ شريف دسوقي، ومش عايزة أقول هي مين علشان عارفه إنها بتعمل كده مش علشان الترند والشهرة، هي أصلا من خارج الوسط الفني".

وتابعت: "أنا ماليش علاقه بالتبرع أنا مجرد نقلت رسالتها هي ربنا يجازيها كل خير وصلت ليه الرسالة، أنا بكتب البوست ده لإني لقيت أخبار بتقول إني عايزه أتبرع لأستاذ شريف وده مش صح ما ينفعش أخد خير حد غيري عايز يعمله، حبيت بس أصحح الخبر".

وكان الفنان شريف دسوقي خضع لعملية بتر قدم سكري مساء أمس الاثنين، للتفاصيل كاملة من هنا. 

يشار إلى أن شريف دسوقي تعرض لإصابة أثناء تصوير أحد الأفلام وبعد الفحوصات اكتشف أنه يعاني من مرض السكر في مرحلة متقدمة وخلال 11 يوما أصيب بضغط وسكر وحمرة وقدم سكري.