أعلن الفنان رامي صبري، انتهاء فترة الحداد بعد وفاة شقيقه الأصغر المطرب كريم صبري، بداية من يوم 1 أغسطس المقبل، مؤكدا عودته للعمل الفني مرة أخرى لافتا إلى أنه سيحتفظ بالحزن في قلبه، لأن الحياة ستستمر مهما حدث.
وكتب صبري عبر حسابه الشخصي بموقع انستقرام: إن شاء الله هرجع اشتغل تاني من 1/8/2021، وأسف جدًا علي الغائي أو عدم حضوري الأفراح والحفلات في الفترة الماضية، لعدم قدرتي على الغناء بسبب وفاة أخي الغالي كريم.. ربنا يرحمه ومكتبهاش لحد اللهم آمين.. الزعل جوا القلب والحياه هتمشي.
وتلقى رامي تأييدا من الشاعر تامر حسين الذي سبق وأطلق مناشدة لدعم عودة رامي إلى عمله الفني بعد علمه بإلغاء كل حفلاته في الفترة السابقة، وقال تامر: لازم ترجع يارامى ده شغلك وحياتك وكريم حايفضل فى قلبك طول العمر واكيد كان نفسه يشوفك ناجح وموجود طول الوقت والمزيكا اكتر حاجه بتحبها وبتنسيك اى زعل، وعلقت المطربة ساندي قائلة: ربنا يقويك ويصبرك.
المثير ان جمهور رامي صبري اختلف حول القرار فرأى بعضهم أن رامي يتعجل العودة إلى العمل الفني، وقالت متابعة: الحزن جوة القلب بس ف أقل من شهر !!!!! ايه ده دا اخوك مش واحد قابلته صدفة فالشارع.
ودافعت متابعة أإخرى عن رامي صبري قائلة: بلاش تعليقات سخيفة يا ريت يا جماعه حرام عليكو بقى اتقوا الله هما مش بشر زينا يعنى احنا لما بيحصل عندنا حاله وفاة لاقرب ناس لينا ام او اب او اخ بنقعد فى البيت ومننزلش شغلنا اخرنا اسبوع وبننزل وبنتعايش علشان خاطر اكل عيشنا مش معنى كدا اننا مش فارق معانا الحزن بيكون جوة القلب هو كمان دا اكل عيشه وعنده التزمات زينا الرحمه شوي بقى ارحموا من فى الارض يرحمنا من فى السماء الله عز وجل.
