بعثت أسيرة حامل في شهرها التاسع برسالة مؤلمة من سجن الدامون "الإسرائيلي"، عبرت خلالها عن وجعها وخوفها من الولادة داخل سجون الاحتلال.
وقالت الأسيرة أنهار الديك في رسالتها: "اشتقت لجوليا بشكل مش طبيعي.. قلبي واجعني عليها ونفسي أحضنها وأضمها لقلبي.. الوجع إلي في قلبي لا يمكن أن يكتب في سطور، شو أعمل إذا ولدت بعيد عنكم وتكلبشت وأنا أولد وانتوا عارفين شو الولادة القيصرية بره! كيف بالسجن وأنا مكلبش لحالي".
وتابعت: "آخ يا رب طمعان في رحمتك.. أنا كثير تعبانة وصابني آلام حادة في الحوض ووجع قوي في اجري نتيجة النوم على "البرش" مش عارفة كيف بدي أنام عليه بعد العملية، كيف بدي أخطو خطواتي الأولى بعد العملية وكيف السجانة تمسك إيدي باشمئزاز".
وأكملت: "لسا بدهم يحطوني في العزل أنا وابني ويا ويل قلبي عليه عشان الكورونا، مش عارفة كيف راح أقدر أدير بالي عليه وأحميه من أصواتهم المخيفة وقد ما كانت أمه قوية راح تضعف قدام الي بعملوه فيها وفي باقي الأسيرات".
وختمت الأسيرة الديك رسالتها، بالقول: "طالبوا كل حر وشريف بغار على عرضه وشرفه بأن يتحرك ولو بكلمة.. خطية هالولد في رقبة كل واحد مسؤول وقادر يساعد وما بساعد".
